David Amor

David Amor (Salceda de Caselas, Pontevedra, 1980) é un monologuista que despois dunha ampla experiencia na TVG, saltou á fama nacional con El Club del Chiste. Subiuse aos escenarios galegos con Amigos ata a morte e recorreu toda a xeografía nacional co seu espectáculo de stand up comedy Sempre preocupado. Fíxose célebre en televisión co seu papel de Tito en Gym Tony (Cuatro) e a súa participación no concurso Tu cara me suena (Antena 3).

A finais de 2017, participa en Tu Cara me Suena e posteriormente colabora en Zapeando de La Sexta. Sube a escena por primeira vez en 2010 con Fóra de sitio, seguido de Pasa a tomar un café, Amigos ata a morte – que bate tódolos récords en taquilla no teatro en galego- e combina os seus shows coa presenza mensual en Las Noches del Club de la Comedia tanto en Madrid como en Barcelona.