Candela Sierra é ilustradora e autora de banda deseñada. Licenciada en Belas Artes pola Universidade de Granada e máster en cómic pola École Européenne Supérieure de l’Image de Angoulême (Francia), o seu traballo móvese entre a ilustración editorial, o cómic e a narrativa gráfica. A súa obra combina humor, observación social e unha ollada moi persoal sobre a vida cotiá.

Foi galardoada co Premio Valencia de Novela Gráfica por Rotunda, coas axudas INJUVE á creación, co premio ACDcómic a autora emerxente e co Premio Nacional del Cómic 2025 por Lo sabes aunque no te lo he dicho.