O EMHU 2024 colabora na súa cuarta edición co programa Cultura por Alimentos, impulsado por Afundación, Obra social ABANCA. A intención desta campaña é que o público que asista ás actividades paralelas gratuítas do Encontro Mundial de Humorismo que teñan lugar na Sede de Afundación na Coruña poida participar desta acción solidaria facendo unha doazón de alimentos non perecedoiros.
A campaña Cultura por Alimentos consiste en cambiar simbolicamente a entrada -de balde- pola doazón de produtos non perecedoiros que, grazas á colaboración coa Federación Española de Bancos de Alimentos, Afundación entregará á entidade local Banco de Alimentos Rías Altas para a súa posterior distribución.
Desde o Encontro Mundial de Humorismo convidamos a todas as persoas asistentes ás actividades da programación paralela a que fagan a súa achega (troquen o seu acceso libre e gratuíto por unha doazón de alimentos non perecedoiros) e así poder construír, xuntas, un EMHU diferente.
Actividades gratuítas do EMHU que forman parte do programa Cultura por alimentos:
- Xoves 25 de abril, 20.00h – El nicho. Con David Perdomo.
- Sábado 27 de abril, 12.30h – Match de Impro. Con Escuela de Impro Coruña.
- Martes 30 de abril, 20.00h – Coidado coas bromas. Unha mesa redonda sobre os perigos do humor.
- Sábado 4 de maio, 12.30 horas – O negocio do humor. Con Álex Clavero, Juan Herrera, Luis Piedrahita e Raquel Martos.
