Con máis de 30 anos de traxectoria, puidemos ver a Carlos Blanco no cinema da man de directores como Pedro Almodóvar, Gerardo Herrero ou Patricia Ferreira, e destacando en televisión en series como Mareas vivas, Fariña ou La Unidad, ademais de participar en producións internacionais. Como creador, ideou espectáculos de éxito como Somos Criminais e Unha noite na praia, rachando récords de audiencia en Galicia. Humorista de renome, levou os seus monólogos a países como Arxentina, Francia ou Alemaña, con máis de 2.000 actuacións na última década.