Con 20 anos, Castelao participu nunha exposición de debuxantes en Madrid. José Francés, organizador da expo, definiu a Castelao como o máis europeo dos debuxantes españois alí presentes. Anos máis tarde e a pesar do exilio, Castelao non se foi nunca de Europa. Mantívose ao día das últimas novidades e estilos para nutrir a súa obra. Dende Simplicissimus (Alemaña) a L’Assiete au Beurre (Francia), as liñas europeas suxerían e inspiraban o debuxo de Castelao dotándoo de expresividade e trazo, moitas veces sendo capaz de superar con creces todas as súas inspiracións.

Cultura por Alimentos

Evento parte de Cultura por Alimentos. Esta consiste en cambiar simbolicamente a entrada -de balde- pola doazón de produtos que, grazas á colaboración coa Federación Española de Bancos de Alimentos, Afundación entregará á entidade local Banco de Alimentos Rías Altas para a súa posterior distribución. Desde o Encontro Mundial de Humorismo convídase a todas as persoas asistentes ás actividades da programación paralela a que fagan a súa achega (troquen o seu acceso libre e gratuíto por unha doazón de alimentos non perecedoiros) e así poder construír un EMHU diferente.