Henar Álvarez estrea La Chochoctora, o seu primeiro espectáculo de teatro en solitario. A cómica madrileña, que agora mesmo suma cerca do millón de seguidores en Instagram, non parou de crecer nos últimos anos.

En moi pouco tempo, Henar pasou de escribir guións para outros a presentar o seu propio programa. A súa naturalidade, o seu ton reivindicativo, o seu compromiso co feminismo e o seu humor salvaxe son algunhas das chaves do éxito e que, sen dúbida, tamén están presentes neste espectáculo de teatro.

La Chochoctora é moito máis que un espectáculo de stand up onde Henar Álvarez, ademais de poñerse a bata de la Chochoctora, o seu personaxe máis icónico, eleva a súa voz crítica contra o sistema que oprime a sexualidade das mulleres. Un espectáculo cheo de humor a través da performance, as súas particulares versións de cancións con letras inéditas e a intervención do público en directo.