O Encontro Mundial de Humorismo é a cita coa comedia máis relevante e multitudinaria de España. Impulsado pola produtoras Etiqueta Negra e El Espectador, e baixo a dirección artística de Luis Piedrahita, EMHU reúne cada ano na Coruña aos espectáculos máis desternillantes e de maior éxito do momento. En 2024, máis de 20.000 asistentes gozaron cunha programación apta para públicos de todas as idades.

Figuras como Luis Piedrahita, Andreu Buenafuente, Sílvia Abril, Leo Harlem, Eva Hache, Javier Cansado, Carolina Iglesias, Javier del Pino, Ignatius Farray, Ana Morgade, Dani Rovira, Juan Dávila, Eva Soriano, David Broncano, Galder Varas, Henar Álvarez, Antonio Resines ou Touriñán formaron parte do EMHU en anteriores edicións, nas que o público puido rir, en directo, con Estirando el chicle, A vivir, Saldremos mejores, La Ruina, La vida moderna, Mentes peligrosas ou La capital del pecado.

A quinta edición do EMHU, que conta co apoio de Concello da Coruña, Xunta de Galicia e Estrella Galicia, celebrarase do 24 de abril ao 4 de maio de 2025. Serán once xornadas nas que o evento se vestirá de gala e porá a máscara do HUMOR, en maiúsculas, para desenmascarar solemnidades.

A edición máis internacional do EMHU contará, como é habitual, coas súas producións propias exclusivas, como Humoris Causa e Fantastic Colofon -que reúnen por primeira vez sobre un escenario a 4 humoristas-, estreas en España de espectáculos chegados de México e Arxentina, primeiras visitas a Galicia dos mellores shows en xira e, como xa é tradición, unha infinidade de carteis de “entradas esgotadas”. Recomendamos poñer as lentes do EMHU para ver o mundo desde outro prisma: a risa está garantida.

Ademais, cada ano EMHU celebra o humor coa entrega de galardóns que recoñecen o traballo de profesionais do sector. Son os Premios EMH. A continuación podes consultar a lista de figuras premiadas estes anos.